19 yaşadək futbolçulardan ibarət Azərbaycan milli komandasının heyəti açıqlanıb. Avqustun 31-dən Bakıda, sentyabrın 2-dən 10-dək isə İspaniyanın Mursiya şəhərində təlim-məşq toplanışında olacaq milliyə “Neftçi” PFK-nın 3 üzvü – Məhəmməd Məmmədli, Mirşahbaz Şahbazov və Murad Məmmədov dəvət alıb.

Qeyd edək ki, İspaniyadakı hazırlıq müddətində 3 yoldaşlıq görüşü keçirəcək U-19 milli komandamız sentyabrın 4-də şotlandiyalı, 6-da niderlandlı, 9-da isə uelsli yaşıdları ilə qarşılaşacaq.