“Neftçi” Premyer Liqada növbəti oyununa çıxıb. Flaqman 29-cu turda “Sumqayıt”a böyük hesabla qalib gəlib – 4:0. “Kapital Bank Arena”da keçirilən matçda qolları Voislav Stankoviç (7-ci dəqiqə), Sezar Meza Kolli (64-cü dəqiqə), İsmayıl Zülfüqarlı (83-cü dəqiqə) və Kilan Lebon (85-ci dəqiqə) vurublar.

Qeyd edək ki, “Neftçi” 29 oyundan 60 xalla turnir cədvəlində 3-cü yeri tutur. Bununla da ən yaxın izləyicisi “Qəbələ”ni 21 xal geridə qoyan “ağ-qaralar” sona 7 tur qalmış avrokuboklara vəsiqəni təmin edib. Belə ki, bu komandalar arasında oyunlardakı göstəricilərə görə “Neftçi” üstün tərəfdir: 2 qələbə, 1 heçə-heçə.