“Neftçi” növbəti mərhələdə!

4 avqust 2023, 00:30

“Neftçi” UEFA Avropa Konfrans Liqasının II təsnifat mərhələsində cavab oyununa çıxıb. “Ağ-qaralar” Bosniya və Herseqovinanın “Jelezniçar” klubu ilə qarşılaşıb. 8-ci km stadionunda baş tutan görüşdə flaqman qalib gəlib – 2:0. Qolları 20-ci dəqiqədə Kenni Sayef, 68-ci dəqiqədə isə Eddi İsrafilov vurublar.

Bununla da III təsnifat mərhələsinə vəsiqə qazanan (ilk oyun – 2:2) “Neftçi” bu mərhələdə “Tirana”nı hər iki görüşdə məğlub edən “Beşiktaş”la qarşılaşacaq.

Qeyd edək ki, III təsnifat mərhələsinin oyunları avqustun 10-da və 17-də keçiriləcək.