“Neftçi”nin UEFA Avropa Konfrans Liqasının III təsnifat mərhələsinin “Beşiktaş” klubu ilə cavab matçından əvvəl ilk 15 dəqiqəsi media nümayəndələri üçün açıq olan son məşqi keçirilib. “Beşiktaş” stadionunda baş tutan hazırlıq prosesindən öncə “Neftçi” PFK-nın baş icraçı direktoru Fərrux Mahmudov komandanın üzvləri ilə görüşüb, sabahkı oyunda onlara uğurlar arzulayıb.

Qeyd edək ki, avqustun 17-si “Beşiktaş” stadionunda keçiriləcək “Beşiktaş” – “Neftçi” oyunu Bakı vaxtı ilə saat 22:00-da başlanacaq.