“Neftçi” Misli Premyer Liqasının 16-cı turu çərçivəsində qarşılaşacağı “Turan Tovuz”la oyunun hazırlığını davam etdirir. Komandamızın üzvləri bu gün “Neftçi” Futbol Mərkəzində növbəti məşqə çıxıblar. Toplu və taktiki çalışmaların yerinə yetirildiyi hazırlıq prosesində zədəlilər – Emil Balayev və Filip Ozobiç, həmçinin fərdi məşğul olan İvan Brkiç iştirak etməyib.

Qeyd edək ki, dekabrın 10-u saat 18:00-da “Neftçi Arena”da baş tutacaq “Neftçi” – “Turan Tovuz” qarşılaşması “CBC Sport” vasitəsilə canlı yayımlanacaq.