Bu gün “Neftçi Arena”da “Neftçi” PFK-nın U-19, U-17, U-16, U-15 və qızlardan ibarət U-17 komandalarının məşqçi və futbolçu heyəti üçün seminar keçirilib. “Neftçi” Futbol Akademiyasının direktoru Cemal Bülbül, koordinatorlar Elşad Əhmədov və Sənan Qurbanovun rəhbərliyi altında təşkil olunan tədbirdə komandalarımızın üzvlərinə oyun qaydaları, danışılmış oyunlara qarşı mübarizə, irqçiliyə qarşı mübarizə və anti dopinq qaydaları haqda məlumat verilib.

Oyun qaydaları ilə bağlı Elşad Əhmədov və akademiyanın məşqçisi Elmir Hüseynov, danışılmış oyunlara qarşı mübarizə mövzusunda klubun təhlükəsizlik üzrə meneceri İlham Nəzərov, irqçiliyə qarşı mübarizə mövzusunda isə marketinq meneceri Ayxan Hacızadə danışıb. Akademiyanın həkimi Namiq Şahvəliyev anti dopinq qaydaları haqda məlumat verib.