Misli Premyer Liqasının 29-cu turu çərçivəsində aprelin 7-də Şamaxı şəhər stadionunda keçirilmiş “Şamaxı” ilə matçın gedişində futbolçumuz Emil Səfərov çiynindən aldığı zədə səbəbindən əvəzlənmişdir.

Məlum olmuşdur ki, futbolçuda bazu oynağının təkrari çıxığı baş verib. Nəticədə, Emil Səfərov Prof. Dr. Burak Kunduracının rəhbərliyi ilə Türkiyənin İstanbul şəhərindəki “Liv Hospital Vadistanbul”da artroskopik əməliyyat olunub.

Qeyd edək ki, əməliyyatı uğurla başa çatan Səfərov iki gündən sonra Bakıya qayıdacaq, müalicə və bərpa prosesinə başlayacaq. Təqribi olaraq üç aydan sonra isə məşqlərə start verəcək.