Polşa toplanışında 5-ci gün

19 iyul 2025, 16:00

“Neftçi”nin Polşa təlim-məşq toplanışı davam edir. Keltse şəhərindəki “Binkovski Hotel”də məskunlaşan komandamızın üzvləri toplanışın 5-ci günündə səhər məşqinə çıxıblar. Baş məşqçi Samir Abasovun rəhbərliyi altında keçirilən hazırlıq prosesində əsasən fiziki və toplu çalışmalar yerinə yetirilib.

Qeyd edək ki, ilk yoxlama oyununda “Hapoel Təl-Əviv”lə heç-heçə edən (1:1) “ağ-qaralar” iyulun 22-də “Termalitsa Nyeçetşa” (Polşa), 27-də “Asteras Tripolis” (Yunanıstan), avqustun 1-də isə AEL (Kipr) klubu ilə qarşılaşacaq.