Premyer Liqada 21-ci turun oyun cədvəli açıqlanıb. Aprelin 3-ü “Bakcell Arena”da keçiriləcək “Neftçi” – “Zirə” matçı saat 17:15-də start götürəcək.

“Bakcell Arena”da planlaşdırılan renovasiya işləri ilə əlaqədar klubumuz “Zirə”yə qarşı keçirəcəyi 3-cü və 4-cü dövrə görüşlərinin yerinin dəyişdirilməsini xahiş edib. Stadionda aparılacaq işləri, “Neftçi”nin müraciətini və “Zirə”nin razılıq məktubunu rəhbər tutan PFL bu komandalar arasında keçiriləcək 3-cü və 4-cü dövrə oyunlarının yerini dəyişib.

Qeyd edək ki, “Neftçi” 20 turdan sonra 37 xalla 2-ci yeri tutur.