Bu gün Azərbaycan Premyer Liqasında 2023/2024 mövsümünün püşkatma mərasimi keçirilib. AFFA-nın inzibati binasında baş tutan püşkün nəticəsinə görə, “Neftçi” ilk turda səfərdə “Kəpəz” klubu ilə qarşılaşacaq.

Ümumilikdə ilk 5 turun təqvimi açıqlanıb. Flaqman 2-ci turda “Səbail”lə evdə, 3-cü turda “Sabah”la səfərdə, 4-cü turda “Qəbələ” ilə evdə, 5-ci turda isə “Sumqayıt”la səfərdə üz-üzə gələcək.

Qeyd edək ki, Azərbaycan Premyer Liqasında yeni mövsüm avqustun 4-də start götürəcək.