“Neftçi” PFK-nın baş məşqçisi Samir Abasov Misli Premyer Liqasının “Turan Tovuz” klubu ilə 34-cü tur oyunundan sonra keçirilən mətbuat konfransında jurnalistlərin suallarını cavablandırıb:

“Əlbəttə, artıq bu mövsüm hədəfi qalmayan komandanı motivasiya verib meydana çıxarmaq çox çətindir. Üstəlik, zədə səbəbindən bir neçə futbolçumuzdan məhrum idik. Lakin bu cür çətinliklərlə çox qarşılaşmışıq. Futbolçulara demişdim ki, rəqibin vəziyyətindən asılı olmayaraq, səfər matçında tribunalardakı atmosferə, təzyiqə fikir verməyin, yalnız formanızdakı loqoya baxın və oynayın. Çünki tutduğumuz yerdən asılı olmayaraq, “Neftçi”nin futbolçuları hər şeydən üstündür. Azarkeşlərimizə gələn mövsüm üçün söz deməyə ehtiyac yoxdur, onlar çox vədlər eşidiblər. Buna görə də, inşallah, çalışıb, onlara özümüzü bu cür qələbələrlə, oyunumuzla göstərməliyik”.

Mətbuat konfransının tam versiyası ilə aşağıdakı videodan tanış ola bilərsiniz: