“Neftçi” Şamaxıya sabah yollanacaq

7 aprel 2022, 20:00

“Neftçi” Premyer Liqanın 22-ci turunda qarşılaşacağı “Şamaxı” ilə oyunun hazırlığını davam etdirir. “Zirə” ilə görüşün ertəsi bərpa məşqi edən “ağ-qaralar” birgünlük fasilədən sonra aprelin 6-da hazırlığa başlayıb.

Bu gün “Türk Hava Yolları Futbol Mərkəzi”ndə baş tutan növbəti məşqdə əsasən toplu və taktiki çalışmalar yerinə yetirilib. Flaqman sabah eyni məkanda oyunöncəsi son məşqini keçəndən sonra Şamaxıya yola düşəcək.

Qeyd edək ki, “Şamaxı” – “Neftçi” matçı aprelin 9-u saat 14:00-da Şamaxı şəhər stadionunda keçiriləcək.