“Neftçi” “Zenit”ə qalib gəldi

19 noyabr 2023, 00:15

“Neftçi” Rusiyanın “Zenit” (Sankt-Peterburq) klubu ilə yoldaşlıq oyunu keçirib. “Neftçi Arena”da baş tutan matçda “Neftçi”nin yetirməsi, “Flaqman”ın və Azərbaycan milli komandasının keçmiş üzvü, sabiq kapitan Ruslan Abışov futbolla vidalaşıb.

Görüş “ağ-qaralar”ın 2:1 hesablı qələbəsi ilə nəticələnib. Komandamızın hər iki qolunu Reziuan Mirzov vurub. O, 9-cu və 62-ci dəqiqələrdə fərqlənib. Rəqibin qolunun müəllifi isə 56-cı dəqiqədə Du Keyros olub.