“Qarabağ” Futbol Klubunun İdarə Heyətinin üzvü Asif Əsgərov Avropa Klublar Birliyinin (ECA) qərarverici orqanı olan İcraiyyə Şurasına üzv seçilib.

O, qurumun Berlində təşkil olunan Assambleyası çərçivəsində bu gün keçirilən seçkidə klubların səs çoxluğunu qazanaraq 2023-27-ci illər üçün bu qurumda təmsil olunmaq hüququ əldə edib. Bununla da Asif Əsgərov beynəlxalq nüfuzlu futbol qurumlarının rəhbər və qərarverici orqanlarında təmsil olunan ilk azərbaycanlı olub.

“Neftçi” Peşəkar Futbol Klubu olaraq Asif Əsgərovu təbrik edir, ona fəaliyyətində uğurlar arzulayırıq!

Qeyd edək ki, Assambleyada “Neftçi” PFK-nı klubun baş icraçı direktoru Fərrux Mahmudov ilə kommunikasiya və kommersiya üzrə müşaviri Aysu İbrahimli təmsil edir.