“Sumqayıt”la oyunun hazırlığı başa çatdı

10 noyabr 2023, 18:13

“Neftçi” Misli Premyer Liqasının 13-cü turunda qarşılaşacağı “Sumqayıt”la oyunöncəsi son məşqə çıxıb. “Ağ-qaralar” bu gün “Neftçi Arena”da hazırlaşıb. Toplu və taktiki çalışmaların yerinə yetirildiyi məşqdə zədəli Emil Balayev iştirak etməyib, Qara Qarayev isə fərdi məşğul olub.

Qeyd edək ki, noyabrın 11-i “Neftçi Arena”da keçiriləcək oyun saat 16:30-da başlanacaq və “CBC Sport” vasitəsilə canlı yayımlanacaq.