“Neftçi-2”dən böyükhesablı səfər qələbəsi!

9 noyabr 2024, 17:37

“Neftçi-2” Əvəzedicilər Liqasında növbəti qələbəsini qazanıb. “Ağ-qaralar” 13-cü turda “Şamaxı-2”ni 3:0 hesabı ilə məğlub edib. Şamaxı şəhər stadionunda baş tutan matçda İbrahim Novruzov dubla imza atıb. O, 35-ci və 51-ci dəqiqələrdə fərqlənib. Görüşdə son nöqtəni isə 90+3-cü dəqiqədə Kamal Kazımov qoyub.

Qeyd edək ki, “Neftçi-2” 13 turdan sonra 32 xalla turnir cədvəlində 1-ci yeri tutur.