“Neftçi” Misli Premyer Liqasının 18-ci turunda qarşılaşacağı “Turan Tovuz” klubu ilə matçın hazırlığını başa vurub. “Ağ-qaralar” bu gün “Neftçi” Futbol Mərkəzində oyunöncəsi son məşqinə çıxıb. Hazırlıq prosesində zədəli Emin Mahmudov iştirak etməyib. Zədədən sonra bərpa dövründə olan futbolçularımız – Rafael Quzzo, Rəhman Hacıyev və Dembo Darbo isə fərdi məşqlə kifayətləniblər. Əvəzində, zədədən sonrakı bərpa prosesini geridə qoyan Robert Bauer komanda ilə birlikdə məşq edib.

Hazırlıq prosesindən sonra komandamızın üzvləri Tovuza yola düşüblər.

Qeyd edək ki, dekabrın 21-də Tovuz şəhər stadionunda keçiriləcək “Turan Tovuz” – “Neftçi” oyunu saat 16:00-da başlanacaq.