Misli Premyer Liqasının 24-cü turunda qarşılaşacağımız “Sumqayıt” klubu ilə matçın hazırlığı yekunlaşıb. “Ağ-qaralar” bu gün “Neftçi” Futbol Mərkəzində oyunöncəsi son məşqinə çıxıb.

Bərpa dövrünü davam etdirdiyi üçün fərdi məşğul olan Andrey Ştoqrin və tam hazır olmayan Rafael Quzzo “Sumqayıt”la görüşü buraxacaqlar. Əvəzində, komanda ilə birlikdə məşqlərə qoşulan Elvin Camalov sıraya dönüb.

Qeyd edək ki, fevralın 21-də “Neftçi Arena”da keçiriləcək “Neftçi” – “Sumqayıt” oyunu saat 19:00-da başlanacaq.