Martın 17-də Bakı şəhərində və martın 18-dən 26-dək Türkiyənin Antalya şəhərində təlim-məşq toplanışında olacaq 21 yaşadək futbolçulardan ibarət Azərbaycan millisinin heyəti açıqlanıb. U-21-ə “Neftçi”dən 2 futbolçu – Murad Məmmədov və Rəvan Kazımov dəvət olunub. Millimiz hazırlıq çərçivəsində martın 22-də Moldovanın, martın 25-də isə Şimali Makedoniyanın müvafiq yaş qruplarından ibarət komandaları ilə yoldaşlıq oyunu keçirəcək. Hər iki qarşılaşma Bakı vaxtı ilə saat 21:00-da başlayacaq.