“Termalika Nyeçetşa” ilə oyunun hazırlığını başa vurduq

21 iyul 2025, 23:21

“Neftçi” Polşanın Keltse şəhərində təlim-məşq toplanışını davam etdirir. Komandamızın üzvləri toplanışın 7-ci günündə növbəti məşqə çıxıblar. Bu, “ağ-qaralar”ın yerli “Termalika Nyeçetşa” klubuna qarşı sabah keçirəcəyi ikinci yoxlama oyunundan əvvəl son hazırlığı olub.

Qeyd edək ki, Bakı vaxtı ilə saat 13:30-da (yerli vaxtla 11:30) start götürəcək görüş “Sportovi novini” stadionunda təşkil olunacaq və “Neftçi TV” ilə canlı yayımlanacaq.

İlk sınaq matçında “Hapoel Təl-Əviv”lə heç-heçə edən (1:1) “Neftçi” iyulun 27-də “Asteras Tripolis” (Yunanıstan), avqustun 1-də isə AEL (Kipr) klubu ilə qarşılaşacaq.