“Neftçi” PFK-nın baş məşqçisi Samir Abasov Misli Premyer Liqasının “Araz-Naxçıvan” klubu ilə 28-ci tur oyunundan sonra keçirilən mətbuat konfransında jurnalistlərin suallarını cavablandırıb:

“Üstünlük bizim tərəfimizdə idi. Hətta ikinci hissədə rəqibə qol epizodu vermədən 2 dəfə yüz faizlik şansı qaçırdıq. Əfsuslar olsun ki, həmin epizodlarda son nöqtəni qoya bilmədik. Bu gün bir neçə dəfə bəxtimiz gətirmədi. 4-5 qol epizodu yaratmaq bizim yaxşı tərəfimizdir, amma şansları boşa verib xal itirmək bizi məyus edir. “Sabah”la kubok matçımıza gəlincə, ilk oyunu evdə keçirəcəyik. Düzdür, itkilərimiz çoxdur, bununla belə, qələbə qazanmaq üçün əlimizdən gələni etməyə çalışacağıq”.

Mətbuat konfransının tam versiyası ilə aşağıdakı videodan tanış ola bilərsiniz: