“Neftçi” Misli Premyer Liqasında bu mövsüm sonuncu ev oyununu keçirib. “Ağ-qaralar” 35-ci turda “Səbail”ə 3:0 hesabı ilə qalib gəlib. “Neftçi Arena”da baş tutan matçda komandamızın qollarını Dembo Darbo (1-ci dəqiqə) və Ağadadaş Salyanski (25-ci dəqiqə) vurublar. 79-cu dəqiqədə isə avtoqol qeydə alınıb. Aleks Fernandesin zərbəsindən sonra qapı dirəyindən qayıdan top qapıçı Əlirza Müştəbazadəyə dəyərək, tora qovuşub.

Qeyd edək ki, “Neftçi” 35 turdan sonra 43 xalla turnir cədvəlində 6-cı yeri tutur.