Misli Premyer Liqasında 26-cı turun təyinatları açıqlanıb. “Kəpəz” – “Neftçi” matçının baş hakimi Rəvan Həmzəzadə olacaq. Ona Cəmil Quliyev və Teymur Teymurov kömək edəcəklər. Dördüncü hakim funksiyasını Nicat İsmayıllı yerinə yetirəcək. VAR hakimi Rəşad Əhmədov, VAR hakiminin köməkçisi Eyyub İbrahimov, hakim-inspektor Barış Şimşek, AFFA nümayəndəsi Məmmədəli Məmmədov olacaq.

Qeyd edək ki, “Kəpəz” – “Neftçi” oyunu bu gün saat 15:00-da Tovuz şəhər stadionunda keçiriləcək.