Bu gün UEFA Çempionlar Liqasının III təsnifat mərhələsinin püşkatma mərasimi keçirilib. Püşkün nəticəsinə görə, “Neftçi” – “Olimpiakos” cütünün qalibi III təsnifat mərhələsində “Mura” (Sloveniya) – “Ludoqorets” (Bolqarıstan) klublarından üstün olan tərəflə qarşılaşacaq.

Qeyd edək ki, “Olimpiakos”la ilk oyun iyulun 21-i Bakı vaxtı ilə saat 23:00-da “Georgios Karaiskakis” stadionunda, cavab matçı isə ayın 28-i saat 21:00-da “Bakcell Arena”da keçiriləcək. Çempionlar Liqasında III təsnifat mərhələsinin görüşləri avqustun 3-4-də və 10-da baş tutacaq.