“Sport Marketing Group” şirkətinin təşkilatçılığı və AFFA-nın dəstəyi ilə E-Milli Liqanın növbəti mövsümü start götürür. Turnirdə “Neftçi Esports” adı ilə təmsil olunacaq komandamız püşkün nəticəsinə görə, A qrupunda “Zirə”, “Nebula” və “Ərkivan Masallı” ilə mübarizə aparacaq. Heyətində Murad Məmmədzadə, Nadir Həsənov və Kənan Babazadənin olduğu “Neftçi Esports” ilk oyununu aprelin 18-i saat 21:00-da “Nebula”ya qarşı keçirəcək.

Qeyd edək ki, 7 qrupdan ibarət olan turnirdə 28 komanda iştirak edəcək. Qrupda ilk iki yeri tutanlarla yanaşı, ən yaxşı 3-cü olan iki komanda əsas mərhələyə vəsiqə qazanacaq. Əsas mərhələdə turnir Olimpiya sistemi ilə davam edəcək.